और तुम

#और_तुम 

इन्स्टाग्राम रिल्सवर मध्यंतरी काही दिवसांपूर्वी सतत अमितकुमारांच्या आवाजातील बडे अच्छे लगते हैं गाण्याचं एकच कडवं ट्रेंडिंग होतं. 

हम तुम कितने पास हैं कितने दूर है चाँद सितारे

सच पुछो तो मन को झूठे लगते है ये सारे 

मगर सच्चे लगते है, ये धरती, ये नादिया, ये रैना,

और तुम

गाणं आवडतं असल्याने मीही काम करताना गुणगुणत होते. लेकाच्या कानावरही पडत होतं. 

दोन दिवसांपासून मात्र एक दोन वेळा लक्षात आलं की छोटे कुलकर्णी हळू आवाजात काहीतरी म्हणत असतात. 

मला वाटलं असेल नेहमीप्रमाणे अशक्य ही शक्य करतील स्वामी कारण ते त्याचं 24×7 आवडतं वाक्य, गाणं, मंत्र आहे . कारण त्याचे बजोबा (स्वामींना तो लाडाने आजोबा ऐवजी बजोबा म्हणतो ❤️) ,तर बजोबा आपले ऑल टाइम आवडते दोस्त आहेत. 

पण आज मात्र सकाळी आगावपणा केला सायकल घेऊन ओट्यावर चढण्यासाठी प्रयत्न सुरू होते, मग अम्माकडून ओरडा खाल्ला, दोन फटकेही खाल्ले. शेवटी अम्मा काही ऐकत नाही हे लक्षात आलं मग एक कोपरा पकडला आणि बसून घेतलं. 

माझं लक्ष होतंच पण लगेच राग सोडला की मग अर्थ नसतो आधीच्या रागावण्याला. सो मी गप्प बसले. 

हळूहळू जवळ येऊन मागून गळ्यात हात टाकून तोंडाने पुटपुटणे सुरू झाले. आधी काही कळेना, मग विचारलंच म्हटलं काय म्हणतो आहेस? 

मग छानपैकी कपाळावर हात मारून घेत म्हणे , अग और तुम ,और तुम. 

आता मात्र मला कळलं की अय्या (हे माझंच संबोधन) रागावली म्हणून तिला मस्का मारण्यासाठी गाणं म्हणत होता. 

चंगोंची माफी मागून,

इतकं गोड कुणी मस्का मारणार असेल तर 

रागावण्याला ही अर्थ आहे

तोडक्यामोडक्या भाषेतलं मनवणं ऐकण्यात तर 

आयुष्याचं सार्थक आहे 

#वयवर्षेपावणेतीन

#पद्माक्ष_गौरीहर्षल_कुलकर्णी

#गौरीहर्षल